ORODHA YA MUVI MPYA ZITAKAZOTOKA 2018

 

                     BOFYA HAPA KUANGALIA

Read More

ANGALIA HAPA MATOKEO YA KIDATO CHA SITA 2016/17

BOFYA HAPA KUANGALIA

Read More

TANGAZO KWA VIJANA WALIOHITIMU KIDATOCHA SITA WALIOCHAGULIWA KUJIUNGA NA MAFUZO YA JKT KWA MUJIBU WA SHERIA MWAKA 2017

BOFYA HAPA KUONA ORODHA YA MAJINA YA VIJANA NA MAKAMBI WALIYOPANGIWA

Read More

TAARIFA KWA UMMA KUHUSU UDAHILI WA WANAFUNZI WA ASTASHAHADA NA STASHADA KATIKA PROGRAMU MBALIMBALI KWA MWAKA WA MASOMO 2017/2018

TAARIFA KWA UMMA KUHUSU UDAHILI WA WANAFUNZI WA ASTASHAHADA NA STASHADA KATIKA PROGRAMU MBALIMBALI KWA MWAKA WA MASOMO 2017/2018

Read More

SIMULIZI YA KWELI

HUWA YANATOKEA

Kwa jiji la Dar es Salaam, kuanzia majira ya saa kumi alasiri hadi kufikia kumi na mbili magharibi, usafiri hugeuka bidhaa adimu; daladala hazipatikani kwa wepesi, na zikipatikana ni nadra kama si muhali kabisa kupata nafasi ya kuketi; na ikitokea muujiza ukapata nafasi, joto kali pamoja na hewa hafifu, hukufanya utamani kushuka na kutembea kwa miguu. Hiyo ndiyo sababu iliyonilazimu jana, kama nifanyavyo siku nyingine, kutembea kwa miguu badala ya kupanda daladala kama ilivyo ada.

Siku haikuwa njema kwangu; huko kazini nilihitilafiana na bosi wangu, ambaye kwa muda mrefu tumekuwa tukihasimiana na kusigana mara kwa mara, na hatimaye kufikia hiyo jana nilipewa rasmi barua ya kufukuzwa kazi. Ukiwa na familia inayokutegemea kuyakimu maisha, utaelewa ni hali gani nilikuwa nayo hiyo jana. Sasa, nikiwa nimefika maeneo ya Ilala boma, nikirejea nyumbani hali mawazo yakipishana kichwani, mara niliisikia simu yangu ya kiganjani ikiita mfukoni, upesi nikaitoa nikijifariji kuwa huenda kuna maamuzi mapya yamepitika huko kazini, walakini, haikuwa hivyo. Nilipoliona jina la mpigaji, Mbaruda, badala ya kupokea, nilijikuta nikisonya na kuikata, kisha nikairejesha mfukoni huku nikiendelea kupuyanga.

Kwakifupi, Mbaruda ni kijana wa hirimu yangu, niliyehitimu pamoja naye, darasa la saba huko mkoani Tabora. Hatukuwa na usuhuba mkubwa wakati ule wa shuleni, walakini tulipokutana katika mji huu wa ugenini, tulilakiana kwa furaha na buraha, na tukabadilishana namba za simu na kuanza kuwasiliana. Kilio kikubwa cha Mbaruda kwangu ilikuwa ni kazi, hali yake iliyumba kiuchumi, kwa hivi, aliniomba nimtafutie kazi, nami nikaahidi kumfanyia mipango, nikiamini kuwa endapo fursa itatokea hapo kazini kwangu, urefu wa mkono wangu ulitosha kumpachika.

Kwakuwa awashwaye ndiye ajikunaye, kazi ya kufuatilia endapo nafasi ya kazi imepatikana ikawa yake, kwa kunipigia simu kila uchao hadi ikawa kero kwangu. Kilichopelekea nione kero ni ukweli kwamba, tayari kazini kwangu nilikwishaingia kwenye msuguano na bosi wangu, kwa hivyo, ahadi yangu kwake haikuwa yenye kutekelezeka tena, nikawa sipokei kabisa simu zake. Baada ya kupiga simu muda mwingi bila kujibiwa, yamkini Mbaruda alichoka, hakunipigia tena kwa zaidi ya miezi mitatu, hadi kufikia hiyo jana nilipoona tena jina lake kwenye kioo cha simu yangu. Hebu pata picha mwenyewe, kabla tu sijafukuzwa kazi sikumpokelea simu yake kwa kukosa cha kumwambia, sasa nimekwishafukuzwa rasmi, lau ningalipokea, kipi ningalimjibu?

Mguu mosi, mguu pili, nilijiburuza nikiendelea na safari yangu. Nilipofika maeneo ya Buguruni sokoni, mkabala na kituo cha Polisi, ndipo nilisikia mtu akiniita kwa sauti kali, “Mbavu!”

Niligeuka na kuangaza huku na kule, kwa bahati nikamwona mtu ndani ya daladala akiniita kwa kunipungia mkono. Kutokana na magari kusimama kwa sababu ya foleni, niliweza kumfikia mtu yule kabla daladala hazijaanza kundoka. Nilimtambua, jina lake Kinyogori, naye ni kijana mzawa wa Tabora. Baada ya kujuliana hali, yeye akiwa kwenye dalala ilhali mimi nimebarizi kwa nje, usawa wa dirishani, alinihoji kwa wahka, “Mbona haupokei simu kaka, wiki yote hii Mbaruda anakutafuta. Iko hivi, mirathi ya marehemu baba yake ilitoka, na baada ya kuchukua mamilioni yake amenunua kampuni kubwa, na wewe ndiye alikuwa anakutazamia uwe meneja wake!”

Nilihisi jasho likiambaa kwenye uti wa mgongo, kiwewe kilinivaa, nikapoteza mhimili wa kujiamini. Sikuwa na jibu la kumpa Kinyogori, zaidi ya kumdanganya, “Mungu wangu! Nilikuwa safarini kaka, hivi ndiyo nimerudi leo.”

“Duh, nd’o basi tena, haikuwa bahati yako, maana leo ndiyo mwisho wa kuajiri, nimewasiliana naye muda si mrefu, akaniambia amefika maeneo ya Ilala boma, anawahi ofisini, ana miadi na kijana mwingine kwa ajili ya kutiliana naye saini kama meneja wake!”

Kusikia majibu hayo, nilitamani kukaa chini na kulia. Majonzi ya kufukuzwa kazi, ni kama yalishajihishwa na taarifa zile mpya. Kwa vyovyote vile, endapo Mbaruda muda si mrefu alitoka kuongea na Kinyogori akiwa maeneo ya Ilala boma, nami alinipigia simu nilipokuwa mitaa hiyohiyo, bila shaka aliniona kabla hajanipigia, na kama hivyo ndivyo, yamkini aliniona nikiitoa simu na kuikata kabla ya kuirejesha mfukoni. Aibu gani hii! Nitamweleza nini anielewe? Hakika nilitahayari, nilijipotezea bahati kwa ujinga na dharau zangu mwenyewe, nikiamini kuwa Mbaruda ndiye mwenye kunisumbua kwa shida zake. Nikiwa sijapata cha kumjibu Kinyogori, kutahamaki foleni ilifunguka na magari yakaanza kuondoka, tuliishia tu kuagana bila kuhitimisha mazungumzo.

Baada ya hapo, nilirudi upande wa pili wa barabara, nikiwa nimedhamiria kumpigia Mbaruda kumtaka radhi kwa kutompokelea simu, ili nione kama ninaweza kuitwaa fursa hiyo ya kazi. Tazama mipango ya Mungu sasa, kuingiza mkono mfukoni, simu haipo. Nilijipekua kila mfuko bila kuipata, yamkini niliidondosha wakati ule nilipokuwa nikikusudia kuirejesha mfukoni baada ya kuikata simu niliyopigiwa na Mbaruda, au pengine nimeibiwa–balaa juu ya mkosi–nuksi juu ya gundu! Nimepoteza simu pamoja na namba za Mbaruda. Ukisikia kuadhirika ndo huko.

Kwa kihoro na taharuki, nilianza kurejea maeneo ya Ilala boma kwa kasi, huku njia nzima nikipepesa macho kama nitaweza kuiona simu yangu. Fikiria mwenyewe, kwa wingi wa watu barabarani, na kwa muda niliokwisha kutembea, nitawezaje kuipata tena simu hata kama ni kweli nliidondosha! Kupagawa kulinifanya nisiuhisi mchoko wa kutokea Kariakoo hadi Buguruni kwa miguu, niliendelea kurejea kule maeneo ya Ilala boma bila kutafakari mara mbili. Ikumbukwe kuwa, muda huo tayari giza lilikwishaanza kuingia.

Kufika Ilala boma, hamadi, kama Mungu tu, niliikuta simu yangu ikiwa chini, palepale nilipoitoa na kuirejesha mfukoni wakati nilipopigiwa na Mbaruda. Kilichofanya niione kwa wepesi wakati ule wa giza ni mwanga wake, kwakuwa muda huo ilikuwa ikiita. Haraka niliinyakuwa ili nimwone aliyekuwa akinipigia.
Aisee Mungu mkubwa, Mbaruda ndiye alikuwa akinipigia kwa mara nyingine. Kwa yakini, lau kama angaliniona nilipomkatia simu mara ya kwanza, asingalinipigia tena, kwa hivi, itakuwa hakuniona. Nilijifariji kuwa pengine hiyo miadi ya kusainiana na meneja mpya haikufanikiwa, ndipo akarudi kunitafuta tena. Huku mapigo ya moyo yakinienda mbio, nilibonyeza kitufe cha kupokelea, nikaiweka simu sikioni na kupokea kwa taadhima, “Hallow, kaka!”

Kimya!

Ile kusema “Hallow!” kwa mara ya pili, papo hapo nilishituka niko kitandani, na kugundua kwamba nilikuwa usingizini nikiota. Nilikurupuka na kupiga ngumi hewani kwa ghadhabu–haikufaa kitu. Ukweli ulibaki vilevile, kwamba ilikuwa ni ndoto tu, ingawaje ndoto nyingine hubeba maonyo na mazingatio makubwa kwa jamii.

Read More

FAIDA ZA TIKITI MAJI MWILINI

FAIDA ZA TIKITI MAJI.

Tikiti maji ni tunda ambalo kisayansi hujulikana kama Citrullus lanatus katika familia ya Cucurbitaceae, ambalo mmea wake hutoa maua na humea kwa kutambaa. Mmea huu ambao hutoa matunda makubwa yaliyo na umbo la tufe au yai, asili yake ni huko kusini mwa Afrika.

Ushahidi wa kihistoria ulionyesha kuwa mmea huu ulilimwa huko Misri tangu milenia ya pili BC, na katika karne ya kumi AD mmea wa tikiti maji ulikuwa umesambaa huko bara Hindi hata Mashariki ya mbali.Lakini hapo badae ulimaji
wake ulifika huko Ulaya ya kusini na kusambaa duniani kote.Tafiti nyingi zimekuwa zikifanyika kujaribu kuzalisha mbegu za tikiki zenye kukabiliana na magonjwa yashambuliayo mmea huu.

Ijapokuwa watu wengi huamini kuwa tikiti maji ni tunda lililo na maji na sukari peke yake, lakini ukweli ni kuwa tunda hili lina aina nyingi ya virutubisho , mfano vitamini, madini na viondoa sumu(antioxidants).

Jedwali likionyesha kiasi cha virutubisho katika gramu 100 za tikiti maji.

Aina ya kirutubisho	Kirutubisho	Kiwango kilichopo
Vitamini	Vitamini A	28µg
	Vitamini E	0.0 µg
	Vitamini C	8.1mg
	Thiamine	0.03mg
	Niacini	0.2mg
	Vitamini B 6	0.045mg
	Folic acid	3mg
Madini	Kalshamu	7mg
	Phosphorasi	11mg
	Magnesiamu	10mg
	Potasiamu	112mg
	Munyu (Sodium)	1mg
	Chuma	0.2
	Zinki	0.1mg
	Shaba	0.0mg
	Manganizi	0.0mg
Protini muhimu	TRP(Tryptophan)	7.0mg
	THR(Threonine)	27mg
	ILE(Isoleucine)	19mg
	LEU(Leucine)	18mg
	LYS(Lysine)	62mg
	MET(Methionine)	6mg
	CYS(Cysteine)	2mg
	PHE(Phenylalanine)	15mg
	TYR(Tyrosine)	12mg
	VAL(Valine)	16mg
	ARG(Arginine)	59mg
	HIS(Histidine)	6mg

Mbali na virutubisho vilivyoonyeshwa katika jedwali, tunda hili la tikiti maji pia lina viondoa sumu kama flavonoids, carotenoids na triterpenoids pia kiasi kikubwa cha maji,na virutubisho hivi hulifanya tunda hili kuwa na sifa ya vyakula vyenye faida kubwa mwilini.

Tafiti nyingi zimeonyesha kuwa, kuongeza matumizi ya vyakula vitokanavyo na mimea kama tikiti maji,matunda mengine na mbogamboga hupunguza hatari ya kupata magonjwa, kuboresha maisha na kuongeza umri wa kuishi. Twaweza kuepukana na magonjwa kama uzito mkubwa(obesity),kisukari na magonjwa ya moyo. Ulaji wa vyakula hivi humfanya mtu kuwa na afya njema,ngozi yenye afya,nywele na uzito ulio wa wastani.

Tunda hili lenye lycopene ambayo ni kiondoa sumu(antioxidant) na ambayo hulipa tunda hili rangi ya kupendeza iliyo nyekundu au pink, pia hupatikana katika nyanya na matunda mengine yaliyo na rangi nyekundu.

Tafiti za awali zimeonyesha kuwa watu walao matunda kama tikiti na mengineyo yenye lycopene kwa wingi waweza kuwa na nafasi ndogo ya kupata maradhi ya saratani hususani saratani ya tezi dume. Lakini hapajakuwepo kwa ushahidi ulio thabiti  kuonyesha uhusiano uliopo kati ya saratani ya tezi dume na utumiaji wa matunda yenye lycopene ili kuweza kutambuliwa na mamlaka za chakula na tiba.

Katika utafiti mmoja uliochapishwa mwaka 2013 katika jarida la Kimarekani la shinikizo la damu, ulionyesha ulaji wa tikiti maji kwa watu wazima walio na uzito mkubwa uliweza kupunguza shinikizo la damu la aota (aortic BP).

L-citrulline ni aina ya protini iliyo katika tikiti maji na ambayo hubadilishwa mwilini katika figo na kuwa protini ijulikanayo kama L-arginine. L-citrulline pia huongeza utengenezwaji wa nitric oxide, ambayo hufanya mishipa ya damu kutokukakamaa na kuboresha mzunguko wa damu mwilini na hii ndiyo sababu ya kupungua kwa shinikizo la damu. Tunda hili limejipatia umaarufu kwa wale walio katika ndoa,kwa kuwa nitric oxide huongeza pia mzunguko wa damu katika viungo vya uzazi, kwa hiyo wale walio na tatizo la upungufu wa nguvu za kiume kwa kiwango kidogo na kati, waweza kufaidika na tunda hili.

Kwa wana michezo ulaji wa tunda hili au juisi yake ni wa faida kubwa kwa kuwa husaidia kupunguza maumivu ya misuli na kuondokana na uchovu kwa haraka baada ya mazoezi au michezo ya kutumia nguvu. Watafiti wanaamini kuwa hii ni kwa sababu ya uwepo wa protini ya L-citrulline katika tikiti maji.

Tikiti maji ni tunda muhimu katika kurekebisha mmeng’enyo. Kwa kuwa  tunda hili limetengenezwa na kiasi kikubwa cha maji na fiba husaidia kuondoa matatizo ya kukosa choo (constipation) na kuboresha mmeng’enyo wa chakula tumboni. Pia kwa kuwa tunda hili lina asilimia 92 ya maji na madini, huwa ni chaguo zuri kwa wagonjwa wenye upungufu wa maji mwilini.

Hatari ya kupata ugonjwa wa pumu ni mdogo kwa wale wanaokula aina fulani ya virutubisho. Katika moja ya virutubisho hivi ni vitamini C ambayo hupatikana katika aina nyingi za matunda na mbogamboga  likiwemo tikiti maji.

Tikiti maji husaidia afya ya ngozi kwa kuwa lina vitamini A na C. Vitamini A husaidia katika ukuaji wa tishu za mwili,zikiwemo ngozi na nywele. Vitamini C husaidia katika utengenezaji wa kolageni mwilini na husaidia kupona haraka kwa tishu zilizo na majeraha ikiwemo ngozi.

Tahadhari

Tikiti maji siyo lishe iliyokamilika peke yake, pia siyo tiba itakayokufanya kuacha kufuata ushauri wa daktari. Ni vema basi kuhakikisha tunakula mlo ulio kamilika ili kujenga afya bora. Tunapopata matatizo mbali mbali ya kiafya ni vizuri pia kuonana na wataalamu wa afya kwa ajili ya utafiti, ushauri na kupata tiba iliyo sahihi.

Read More

2017 Movies • New & Upcoming 2017 Releases

 2017 Movies • New & Upcoming 2017 Releases

Read More

NEW GAMES Release dates every game confirmed for 2017

Release dates: every game confirmed for 2017 

Read More

MAZOEZI 5 MEPESI AMBAYO YANAWEZA KUBADILI MUONEKANO WAKO

Mazoezi ni jambo muhimu sana kwa maisha ya wanaadamu wote katika k
ulinda afya za miili yao, watu wengi wamekuwa wakihangaika kufanya mazoezi kwa kuondokana na matatizo tofauti tofauti, wengine huenda wameshauriwa na Daktari kutokana na aina ya ugonjwa unaowasumbua na wengine hutaka kupunguza miili yao ili iwe katika muonekano mzuri na wengine wanataka kuilinda miili yao isije kunenepeana kiholela pia wengine hufanya mazoezi ikiwa ni sehemu ya utaratibu waliojiwekea katika maisha yao.

Pengine umejiuliza sana ni jinsi gani utafanya mazoezi kutokana na muda finyu ulionao au mambo mbalimbali yanayopelekea usipate muda mwingi wa kufanya mazoezi. Katika makala hii nakuletea aina 5 za mazoezi ambazo zinaweza kukusaidia katika kuuweka sawa mwili wako na kuepukana na maradhi mbalimbali.

1. KURUKA KAMBA

Pengine unaweza kuona ni zoezi rahisi, lakini ni miongoni mwa mazoezi ambayo yanasaidia kwa kiasi kikubwa kupunguza mafuta mwilini na kuunguza calories nyingi kwa kila dakika utakayokuwa unaruka kamba. Zoezi hili halihitaji uende Gym unaweza kuruka hata na watoto wako nyumbani mmoja kashika huku na mwingine kule wewe unaingia kati unaruka, pia unaweza kuruka peke yako.

2. KUPIGA PUSHAPU

Kwa hali iliyozoeleka watu wengi wamekua wakikwepa kupiga pushapu kutokana na ugumu mdogo unaoambatana na zoezi hili.lakini hili ni miongoni mwa zoezi linaloweza kukuletea mabadiliko ya haraka zaidi katika mwili wako. zoezi la pushapu ni zuri sana kwa kukuepushia maradhi ya moyo. huhitaji kutumia nguvu sana kama unataka kupanda ulingoni ukapigane au utoke misuli, ''Hapana'' piga pushapu chache kila asubuhi na jioni kwa kadri ya uwezo wako hata kama ni 5 kwa asubuhi na 5 kwa jioni.

3. KUOGELEA

Hii ni habari njema kwa wapenzi wa kuogele, ingawa kwa watanzania tulio wengi tunachukulia kuogelea kama ni starehe tu na ni kitendo kinachopendwa na watu wachache lakini ni miongoni mwa mazoezi yenye faida kubwa katika mwili wa mwanadamu. Kuogelea kuna shusha blood pressure, kuimarisha moyo na kuimarisha mfumo wa upumuaji. pia ni sehemu ya kufurahi na familia yako ingawa kuogelea si zoezi rahisi kama kuruka kamba na pushapu.

4. KUKIMBIA

Kuna manufaa mengi sana yanayopatikana kutokana na kukimbia, kwanza hukuondolea misongo ya mawazo, inaimarisha afya ya moyo pia inaunguza mafuta (calories) kwa kiasi kikubwa mwilini, kwa wale wenye miili minene kukimbia ni moja ya mazoezi yanayo punguza mwili kwa haraka zaidi na kutengeneza stamina kwa wanamichezo na hata wale wasiokuwa wanamichezo.

5. KUENDESHA BAISKELI

Wengi wa watanzania hudhani kuendesha Baiskeli ni umasikini, kuingia kwa bodaboda nchini kumepunguza kwa kiasi kikubwa waendesha baiskeli nchini, watu wenye vipato kidogo hujisahau na kuishia kuendesha magari tu au pikipiki na watu wa aina hii wana asilimia kubwa kuugua maradhi ya kisukari na presha, Baiskeli itakufanya utumie nguvu nyingi ambazo zita kuwa ni zoezi tosha katika kuupa mwili afya njema na kuepukana na matatizo ya sukari na presha.

MWISHO ikumbukwe kuwa pamoja na kufanya mazoezi pia unashauriwa kupangilia vizuri mlo wako na si kufukia tu itakuwa unatia maji kwenye pakacha, hivyo basi ni lazima uzingatie mlo sahihi kwa ajili ya afya yako.

Read More

Tcu: Orodha ya Vyuo na Majina ya wanafunzi waliokosa sifa za kupewa nafasi za vyuo Tanzania 2016/2017

 

Bonyeza Uhakiki wa Sifa za Udahili

Read More

AUDIO MPYA: NISHIKE MKONO kutoka kwa DAVID NYIGU | Download hapa

 

Anafahamika kwa jina la DAVID NYIGU,ambaye anatamba kwa wimbo wake uitwao NISHIKE MKONO.. Ni wimbo mzuri kwa kweli na unao bariki sana..

Mwimbaji huyu anatokea Njombe ila kwa sasa anaishi  Mbeya.... 

Kazi ya muziki imefanywa na Danie Mwasiposya...

Mtumishi huyu yuko tayari kwa huduma,unaweza kuwasiliana nae kwa simu namba +255767473655

BOFYA HAPA KUDOWNLOAD 

Read More

MATOKEO YA KIDATO CHA NNE 2016

BOFYA HAPA KUANGALIA MATOKEO YA KIDATO CHA NNE 2016

Read More

HUYU SI MWANAMKE WA KUACHA

Mwanamke ambaye anakuwa na wasiwasi juu yako, anawaza kwaajili yako, hulia kwaajili yako, anajali hisia zako, hujishusha kwaajili yako na huweza kukuomba msamaha hata kama ni wewe umekosea ili tu kuleta amani si mwanamke wa kuacha.
Nimara chache sana kukutana na mwanamke kama huyu ambaye anaweza kujitoa kwaajili yako na kukuvumilia kwa wakati mgumu sana kwako. Wengi watapenda kukuona na kuwa na wewe katika kipindi cha mafanikio na mara nyingi hao ndipo ambao humfanya umsahau huyu.
Kwa bahati mbaya sana baadhi ya wanaume wakishavuka kwenye mitihani na kufanikiwa kidogo, huwasahau wale walioanza nao. Lakini baadaye huharibikiwa na kurudi kuomba msamaha, kabla hayajakufika yote hayo nikukumbushe tu kuwa wakati mwingine baraka ulizonazo si zako ni za mwanamke unayemdharau sasa.
Unaweza kumuondoa akaondoka na baraka zake ukajikuta unalia kulogwa kumbe mwenye baraka zake kaondoka. Hao wanaokuona wa maana leo ukiwa msafi ukikosa sabuni watakukimbia.
Mheshimu sana mwanamke aliyekuheshimu kabla hujaanza kujipulizia manukato kwani hao wanaokuzuzua leo siku wakisikia harufu ya jasho lako watakukimbia wakitapika. Precautions "it will comes back if it belongs to yu"

Read More

*UJUMBE MZURI KWA FAMILIA

*Hakuna familia isiyo na mapungufu. Hatuna wazazi wasio na mapungufu, sisi pia si wakamilifu, hatuoi au kuolewa na mtu asiye na mapungufu, kadhalika watoto wetu nao si wakamilifu. Tunayo manung'uniko au malalamiko kila mmoja dhidi ya mwenzake. Tumevunjana moyo na kukatishana tamaa. Kwa hiyo, hakuna ndoa iliyokamilika wala familia iliyoboreka bila kuwa na mazoea au utamaduni wa kusameheana.*
*Msamaha ni nguzo au msingi wa utulivu wa akili na uhai wa roho zetu. Kama hakuna msamaha, familia inakuwa uwanja wa migogoro na mlipuko wa ugomvi. Panapokosekana msamaha, familia inaugua. Msamaha unahuisha moyo, kwa kusafisha fikra na kuufanya moyo kuwa huru. Binadamu asiyesamehe hana amani moyoni na wala hana urafiki au muunganiko na Mungu.*

*Maumivu ni sumu inayodhuru na kuua. Hebu kiponye kidonda hicho cha moyo endapo kuna dalili za kujiumiza. Mtu asiyesamehe anajisababishia mwenyewe ugonjwa wa mwili, kiakili na kiroho. Ndiyo maana familia inapaswa kuwa sehemu ya uhai na si kifo; eneo la uponyaji na sio mahali pa magonjwa; jukwaa la msamaha na si la uovu. Msamaha huleta furaha pale uchungu ulipoleta maumivu; huleta uponyaji hata pale ambapo maumivu yalisababisha magonjwa.*
```Ujumbe huu mzuri umfikie kila mmoja wetu katika familia yake. basi tuutafakari ujumbe huo```

Read More

MATOKEO YA KIDATO CHA PILI 2016?17

BOFYA HAPA KUANGALIA

Read More

KUTOKA JESHI LA POLICE:

KUTOKA JESHI LA POLICE:

USALAMA WA MAISHA YAKO.
* Usinunue simu za Android kwa mtu usiyemjua. Hiyo ni hatari kwani hujui huyo jamaa kaitoa wapi, mwisho wa siku unapewa kesi ya wizi au mauaji. Inawezekana simu hiyo iliibiwa kwa mtu aliyeuawa.
* Usimpe mtu usiyemjua simu yako apige sehemu yoyote.
* Unapoiona line njiani ipo chini, usitake kuiokota na kuiweka simuni mwako ujue ina shilingi ngapi ili uchukue salio. Simu inapoibiwa au
mwenye simu kuuawa, line hutupwa, unapoiweka simuni mwako, simu yako
inahusishwa na tukio hilo.
* Unapoweka salio, hakikisha karatasi ya vocha unaichana. Unapoitupa, watu wanaweza kufanya mauaji, wakachukua karatasi ya vocha ile na kuweka sehemu ya tukio au pale ulipoitupa kukatokea tukio na wewe kuhusishwa.
* Usikubali kumsajilia mtu line yake kwa jina lako, hata kama baba yako, usikubali.
Kumbuka namba yako umesajiliwa, moja ya matukio hayo yakitokea na namba yako kuonekana, moja kwa moja unakuwa mtuhu-miwa namba moja. Wengi wamepewa kesi za mauaji, wizi bila kujua. Polisi wapo kazini, wanapoona vidhibiti wanakuchukua kwani hawatojua kama umehusika au la. Kuweni makini ili usije kuingia matatizoni, simu yako, fedha zako, ukifanya kisicho sahihi kama uzembe, utaishia pabaya.

Read More